لو كنت رئيساً للوزراء واتهمت بالفساد او بالاخلال بمسؤوليّاتي في قضيّة الكازينو وصوت النواب في مجلس النواب على ادانتي وكانت النتيجة كما حصل اليوم
نتائج تصويت النواب على براءة او ادانة البخيت
فقد صوت 53 نائبا لصالح البخيت
بينما صوت 50 نائبا لادانته
فيما امتنع 10 نواب عن التصويت
وغاب 6 نواب
ايّ انه من اصل 113 حضروا الجلسة والتصويت
لم يحظى باكثر من 53 صوتاً معه
وبنسبة %47 من الحاضرين للجلسة
ماذا افعل؟
بعد ان ازبط ربطة الكرافة
اقدم استقالتي
او اتقدم فورا بطلب لحل البرلمان
يوسف
27/06/2011
سؤال. صعب لكن خليني استخدم خيالي الواسع:)
ردحذفهلا لو صار معك مثل البخيت اليوم وطبعا من خلال معرفتنا الك رح تستقيل اما نظرا لمعرفة مواقف البخيت فراح يعمل كالتالي
استقاله ما أظن إحالة المجلس طيب كرامه للي وقفوا معه ما أظن
هلا السؤال الأصعب كيف رح يطلع من هالورطه خاصه انه الشعب مش زي زمان بصيمه والسلام!
فمن الممكن رح يستقيل تحت الاجبار الشعبي ولكن اتمنى ان يسقط مجلس النواب معه!
والله بعرف اكتب حزازير انا :)
دمت بخير يا والدي وابعدك الله عن دروب السياسه لانها دروب فيها الكثير من القمامه !
انا فكرتك تقولي
ردحذفبزبط الكرافة
وبعزم النواب كلهم والوزراء على عشاء عمل مما لذ وطاب وخلال العشاء يتم مناقشة منح تصاريح جديدة لاقامة كازينو في كل شارع
علشان تقضي الحكومة على البطالة وعجز الموازنة
انا بحكي بتطلع عالنص المليان من الكاسه بما انك متفائل.... و بتزبط قائمه البلاك ليست اللي عندك
ردحذفو بتعزم بس اللي صوتولك على الكازينو :)
اها تزبيط جرافه ! البلد وضعها خربان وجرافه وعزايم!
ردحذفهلا انا بدي اسأل سؤال يعني الكازينو بشو بيختلف عن النادي الليلي!
انا مليت من الكازينو وشاهين المشكله الاكبر انه إحنا منعاني من مشكله في فهم المواطنه وفي عندنا خلل في القوانين كل واحد بيفكر انه الجنسيه منحه مش حق وهاي مصيبه وفي عنا مواطنين درجات وكله بيعاني بنظري انه هاي القضايا اهم من الكازينو لانه لو فهمنا صح معناة المواطنه وحقوق وطنا ووثقنا مفهوم المواطنه بقوانين تعمل ع المساواة وتطبيقها بعدها بنصير محاربة الفساد الاداري سهل لانه الكل بيفهم واجبه كمواطن !
بس هلا الكل مركز ع الفساد الاداري ناسين الفساد الأعظم وهو الفساد الاجتماعي !
اما البطاله والعجز من الممكن قضاء عليه اذا اوقفت رواتب التقاعد للنواب و الوزراء وما يأتي من خدمات تحت بند التقاعد بنظري العجز رح يخف بنسبه كبيره والفلوس ممكن تصرف ع توفير قروض للبدء باي مشاريع صغيره تساعد البلد!
ويسبر
ردحذفهذا الكلام اللي بعبي....الجيبة
با محلاها هالنصيحة
سوزان
ردحذفالله يرضى عليكِ ويسعدك ابنتي
هذا اللي بتحكي مشاكل ثانوية !!!!!
وحكي فاضي بالنسبة للمسؤولين
ما بجيب همه
بدهم حكي مليان من فئة الملايّبن
عندك منه....؟؟؟
بسمعوكِ
والا
طنااااااش
اممم ليس الموضوع بهذه البساطة ..الكرسي ..وحش بردو
ردحذفكل شخص وصل إلي الكرسي لا يريد الإ أ يظل طول حياته عليه...
هو من وجهه نظرنا إنه شخص لا يستحق المسؤولية..
أم هو فيري أنه أحسن واحد ف الدنيااا وأحسن من يتولي المسؤولية ولحفظ ماء الوجهه يجب أن أظل في الكرسي...
لو حتي الذي صوتوا له 51 وليس 54 ...
كل إنسان بيري نفسه الأفضل حتي لو حدث ماذااا...!!
الغرور بيوصل لبعض الناس مثل الحكام مثلا الآن أن يظنوا أنفسهم آلهة ...والعياذ بالله...
هو لن يترك الكرسي يبدو أنه أيضا يعاني من مشكلة أنه لا يوجد مرآة بالبيت فكيف سوف تبزيط الكرافة..؟!!الحياة مشكلة قومية عمو ..يجب أن نتحافظ معه ..ههههه
ياسمين
ردحذفالله يرضى عليك ويسعدك
اذا المشكلة بالمرايا
هلأ ببعتله وحده كبيرة على بيته
يضل يشوف حاله فيها طول النهار
هههههههه
المشكلة زي ما حكيتي انتِ
اللي قاعد على الكرسي ملزق الكرسي بآجو اصلي بقفاه وما بقوم عن الكرسي الا هو والكرسي مع بعض
الله يسعدك
مش بأقولك مش قليل يوسف باشا، بدك رئيس وزراء مرة واحدة.
ردحذفقريت تقرير لجنة التحقيق، حاجة بترفع الراس، و بعد التصويت مش عارف شو بدي أقول، الله بيعين.
إذا الحكومة بتمشي أمورها مثل ما مشت موضوع كازينو القمار، ما بدها تزبيط كرافة و لا استقالة و لا عزومة، و ع راي الدكتور: "كلها جرة قلم"
عفواً يوسف باشا، بس تصحيح بسيط: البرمان ما صوت بالإدانة، لأنه الإدانة أصلاً واردة في تقرير لجنة التحقيق، البرلمان ما صادق عليه لأنه كان لازم أغلبية الثلثين، فلذلك: براءة
ردحذفصالح باشا
ردحذفمستكتر على اخوك رئيس وزراء....!!!
مضلش غيري على الدور
هههههههه
المشكلة ما في منصب عنا هون اكبر من رئبيس الوزراء والا كان قلتلك
باضت له امه في القفص الليلة
ومنها للي اكبر منها
بيطلعلوه
وبنستاهل
صالح باشا
ردحذفشكرا على التوضيح
لا ...
اذا هيك بسيطة
انا فكرت انه في مشكلة ومحتاج مساعدة
طلعت الامور اسهل كثيررررر
له له يا يوسف باشا، إن صرت رئيس وزراء راح تبطل تيجي تطلطل هون، و بعدين خايف عليك من البهدلة في البرلمان
ردحذفلا ما تقلقش
ردحذفاول شيء بعمله بلم المدونين اصحابي كلهم
وبعينهم وزراء
وهيك بخلص
هم والنواب بدقوا ببعض
وانا بقعد ازبط....كرافتي
على راحتي
طيب ممكن سؤال صغير برئ !! شو قضية الكازينو هاي ?
ردحذفوبعدين لو كنت رئيس وزراء بوضع البخيت في بلادنا العربية فاكيد اللي صوتوا ضدي من تنظيم القاعدة وما بعرفوا مصلحة البلد ... شو استقالة ما استقالة ?!!
مقال في وقتو،
ردحذفبس صدمتني لما كتبت انو 47% صوتوا ضدوا، الصراحة ما توقعتهم يوصلوا 5%، وخليتني أتفاءل واحلم بعمان معباية انفاق وكيف اوصل شغلي بدون ازمة على الدواوير، بعدين صحيت من حلمي وحكيت اكيد النواب زيطوهامع بعض ووصلوها لـ47% عشان ما بنحكي عنهم بزبطوا كرافات :)
بس عندي سؤال؟؟؟؟ الفرق بين النادي الليلي والكازينو انو الكازينو اكبر ومسموح القمار؟؟؟؟
كمان شي هو اصلا القمار ممنوع هون؟؟؟ طيب ازا ممنوع مش من باب اولى بسكروا هالنوادي؟؟؟
حنين
معلش ابو عمر تحجز لي عندك منصب مستشار اول في رئاسة الوزراء او وزير دوله لشؤون الفراطه....بعطيك الثقه بدون عزايم و بوقع لك على كل مشاريعك على الغميض"مع الموافقه" .
ردحذفسمسم
ردحذفمساء الخير
الكازينو مش القضية
هاي اللي بيتسلوا فينا فيها
يس ممكن تعرفي اذا بيتسلوا فينا في قضية الكازينو وكيف تم منح التراخيص اللازمة والتلاعب الذي تم ...راجعي تقرير اللجنة النيابية والتحقيق تدركي كيف تتم الامور بالبلد ولماذا يجتمع مجلس الوزراء...!!!
اكيد النواب اللي صوتوا مع ادانة البخيت هم متأمرين ولهم اجندات تبدأ من افغانستان وتنتهي بالاخوان مرورا بايران
نيسان
ردحذفوالله كنت ناوي اجيب سيرتك في ردي على اخونا صالح وكنت بدي اقله اول شيء بنسلم نيسان وزارة التعاون والعلاقات الدولية....وانت قدها سنة زمان وبتكون علاقاتنا فوق الريح مع كل العالم
وبعدين بيطلعلك تصيري نائب اول لرئيس الوزراء
قبل ما يطيحوا فيّ النواب وتصيري انتِ اول إمرأة تدخل التاريخ الاردني كرئبس وزراء
مبرووووووك عليكِ
حنين
ردحذفمساء الخير
واهلا وسهلا بك
اول شيء 47% صوتوا مع الرئيس و%53 صوتوا ضده او امتنعوا
الكازينو بالنتيجة ما بيختلف كثير عن النوادي الليلية ولكن كله مسلسل متواصل
بنيدأ نايت كلوب في كل شارع وكازينو في كل مدينة ومن ثم كازينو في كل فندق ونايت كلوب بجانب كل بيت
ويوم على يوم بتتحول عمان الى ( سوهو ) المنطقة الشهيرة في لندن والمفضلة لدى ( العرب ) وهيك بيدخل الاردن العالم من اوسع ابوابه
ابواب قلة الادب والعُهر الاخلاقي بعد ان دخلنا التاريخ بالعهر السياسي
اما من ناحية الممنوع والمسموح
فاكيد الممنوع الوحيد هنا هو اللي بنعمله هلأ
الله يسامحك خليتنا نحكي في الممنوع :)
ردحذفهلا في هي الايام خفت حدة الممنوع، مش شايفهم ماسكين في شاهين والبخيت ووزير الاعلام استقال عشان حرية الصحافة الالكترونية عقبال ما وزير النقل ما يحسن الانفاق ويخفف الازمة.
حنين
الله يسامحك يا حنين
ردحذفباعتباري عملت في مجالي مهندس طرق وجسور في دول الاغتراب بقدر اقولك وبشكل جازم ان سبب ازمة المرور في عمان هي مشاريع الانفاق والجسور
لعلمك كل مشروع بيقعد عنا 3-4 سنوات تنفيذ علما اننا كنا ننفذ مشاريع اضخم من ما ينفذ هنا بربع الوقت...
ومع كل مشروع تحويلات بدون نهايات زي لعبة الطرقات المغلقة التي كنا نلعبها في مدينة الالعاب في دبي قبل 30 سنة
وهيك بتضمن الحكومة الرشيدة شغلتين
الاولى نضيع مصارينا في مصاريف البنزين والتاكسيات وهيك بنضل ملحوقين طول الشهر
والثانية ما بيضل معنا وقت لا لنقرأ ولا لنكتب وهيك بترتاح الحكومة وبيلاقي وقت الرئيس يزبط كرافته
والله ما بيهون عليي يطيحوا فيك
ردحذفبس مقبوله منك
الله يبارك فيك يا رب
:)
وعشان حنين اوعدك اول ما استلم الرئاسه رح الغي كل الانفاق وابني بدالهم جسور..بس اشري انتي اي نفق فيهم؟؟؟؟
احنا مركنين عليكِ
ردحذفانك تبني جسور المحبة
وهاي اللي ناقصتنا بالبلد
مع انه ما فيها سمسره وعموله واللذي منه وبيجوز اصرف عليها من جيبتي(في حال لو كان اللي جيبه)هههههههه
ردحذف....بس ابشر!!! وصلت :)
مادام صار توزيع مناصب انا بدي بدييييييي اشغل منصب وزيرة الماليه ! مش لاشي يعني بس الهبره هناك بتكون محرزة!
ردحذفسوزان
ردحذفمش ضروري تكوني وزير للمالية علشان تهبري الهبرة اللي هيّة
شو رايك اعيّنك دير عام لمؤسسة الضمان الاجتماعي منه بنبعد الشبهة بما انك ابنتي وبعدين صندوق المؤسسة فيه 6 مليارات دينار ....انا بعطيكِ التعليمات على التلفون وانتِ بتمشي من هون وبتقبضي من هون
نيسان
ردحذفمين قال لكِ انه ما في عمولات والذي منه
عنا في البلد كل شيء عليه ضريبة على المواطن ان يدفعها وفيه عمولة لا بد من دفعها لمين....
يمكن الي لما اصير دولة الرئيس
وانا بوزعها بمعرفتي
هههههههههه وين ما بدك يا والدي العزيز:)نتبع الأوامر إحنا !
ردحذفانا ما بدي مناصب ولا شي
ردحذفبدي اضلّي مواطنه عاديه بس....بتعرف كل معاليكم و بالتالي اموري بتمشي بكل الوزارات و النهب بكون شامل بكل مكان, وبفتحلي كم من مصنع حديد على اسمنت و بجبلي 50 دفعه مطبات و كم من اشياء ملهاش لازمه بالبلد و باخد تصاريح و عقود احتكار و باسم معاليكم بكون معي كرت احمر, باخد قرضين تلاته من اللي بحبوهم قلوبكم و بعدين بعلن افلاسي و بمرض و بتعطوني كتاب للمعالجه بامريكا و بروح اعيش بايطاليا :)
والله ويسبر جابتها خاصه بعد اللي صار مع الدباس اليوم خلص انا بتنازل عن المنصب وباخد بنصيحة اختي شاهين يه ويسبر بس ليش اخترت ايطاليا يا بنتي اماكن التسوق في باريس او لندن !
ردحذفطيب اذا انتو سافرتوا ، نيسان بدها تعمل الانفاق لمين؟؟؟؟؟؟
ردحذفلا ما في تسافروا ، احنا متل القذافي سنحارب حتى يوم القيامة :)
وبعدين على قولة أبو عمر اذا سافرنا مين بدو يدفع حق البنزين
صحيح صباح الخير
حنين
سوزان
ردحذفصباح الخير
ما انا قلتلك بلاش وزارة
عمرك سسمعتِ انهم حققوا مع الدير العام للمؤسسة رغن ان كل استثماراتها خسرانة
ابدا
لانه بيكشف المستور
وهذا خط احمر
ايطاليا ..بريطانيا ...فرنسا
مش مهم طالما يجمعهم الشينغن ..الاتحاد الاوروبي
لانهم ما بيسلموا المحكومين من محاكم غير عادية...المحاكم العسكرية...واحنا كل قضايا اللي فيها ما فيها بتنظرها محاكم امن دولة وهي عسكرية
حنين
ردحذفصباح الخير
مهو لازم يسافروا علشانا
والا كيف بدهم يفتحوا حسابات باوروبا وسويسرا
الله يعينهم كله لصالحنا
شو نعمل ...بدنا نتحمل
لذلك يا صديقي ....... بعمرك ما رح تصير رئيس وزراء لانه من متطلبات الوظيفة التعلق والتعبد في محراب الكرسي الذي تجلس عليه وبالتالي لا يوجد مكان للاستقالة هنا وبما ان فكرة الاستقالة قد راودتك...يؤسفني يا صديقي ان اخبرك انك لا تصلح لهذا المنصب ... بلكي نائب لاني كأني اسمعت نائب لوح بالاستقالة لا سمح الله.
ردحذفبالله عليكم يعني كتير فرقت معو والا معهم والا مع النواب
ردحذفما هي البلد مليانه كازينوهات وملاهي ليليه وديسكوهات
يعني ومين الي مشغلها غير همه واولادهم وبناتهم
واسمع يا رضا اسمعوا كلكم انا سمعت انو شارع الجاردنز لوحده فيه ييجيلوا 160 او اكتر ملهى ليلي
خلوها على ربنا هوه وحده القادر يزبط هالبلد
وبكره ربنا بيفضحهم زي ما صار لحاكم تونس وزوجته الي طلعوا من ادنى مستويات الناس
وسوزان مبارك الي دفعت الي فوقها والي تحتها عشان بس ما تنحبس
وكله مال حرام بحرام
أي هو فارقة معو!
ردحذف:(
أصلاً مهو شبه متأكد كان
ليش كل هالوقت تا النواب قدروا يحققوا فعليا ً أصلاً
الأمور كانت بتنطبخ
و هذه ليست هواجس من نظرية المؤامراة!
و إن اتفقا بالهدف النهائي و هو إشاعة الفساد، فإن هناك فرق كبير بين الملهى الليلي (نايت كلوب) و صالة القمار (الكازينو)، فالأول هدفه الترويح عن المواطنين (المقتدرين طبعاً) بالخمر و الموسيقى و الغناء و الرقص و التعري (بحسب ما تسمح به الرخصة)، و الثاني هدفه الترويح عن الزبائن (في الغالب يُمنع المواطن من دخوله) بالقمار و الميسر مع بعض الخمر و الموسيقى، و في العادة لا يكون فيه رقص و تعري.
ردحذفامل
ردحذفمساء الفل
بس برضو رح اضل احلم اني اكون يوما ما أريد
ممكن اكثر من رئيس وزراء....!!!
ههههه
عجبتني نائب بس ما عرفتش نائب مين..؟
عن المساكين اللي ملهومش صوت ...يمكن
نورتي يا امووول
خلوووود
ردحذفمساء الفل
حرام عليكِ
160 نايت كلوب في شارع الجاردنز
معناته الحالة الاقتصادية فوق الريح
وبعدين على راي عادل امام
معناته فوق وتحت كل عائلة في نايت كلوب
وكمان واضح ان مشروع زنقة زنقة دار دار
هذا مشروع اردني طلع
دمتِ بخير
هيثم
ردحذفمساء الفل
اكيد
وانا معك
يا زلمة بدك تقنعني في رئيس وزراء بالعالم
بيسمع ما يهتف ضده كل جمعة
وما يكتب عنه طوال الاسبوع
وبعده مشغول بتزبيط الكرافة
والله كثير
دمت بخير
صالح باشا
ردحذفمساء الخير
ان شاء الله ما يكون هدفك من السؤال ان اقول لك الفرق وبعدين يقولولنا من وين عرفت الفرق...؟؟؟
ههههههههه
على كا اتفق معك تماما باستثناء ان العريّ في الكازينو اكثر....الديلرز اولا وجالبات الحظ ثانيّاً
اي حظ ما تسألني...؟؟؟
انا كتبت ان القمار من المحرمات التي كنت دائما ولا زلت ادعو الكل من جميع الديانات وحتى من غير الموحدين من الابتعاد عنها وعن تجربتها لما فيها من ضياااع وصعب جدا العودة من عالمها الى عالم الانسان
ولكني دخلت احدى الصالات في 1983 ضمن تور جماعي سياحي
las palmas @ night
وكانت فرصة ان ارى على الطبيعة ما يدور هناك
شو كنت بعمل هناك...؟؟؟
كنت بعد نجوم الليل في المحيط
بعد ما شفت وعديت كل نجوم الظهر في بلاد العرب اوطاني
دمت بخير