بالامس مررت امام دائرة ترخيص المركبات .... ما لفت انتباهي هو محل على زاوية الدائرة وقد كتب يافطة كبيرة على واجهة المحل
لوازم ترخيص
محل مرخص خصيصا لكي نضحك على انفسنا وعلى دائرة الترخيص ( الحكومة )....
وهو يقصد طبعا تأجير طفايّة الحريق والعاكسة الثلاثيّة لساعة فقط لانجاز متطلبات الفحص قبل الترخيص
ذهبت بعيداً كيف نتعامل مع طفاية الحريق على انها لوازم ترخيص وكل ما يهمنا منها هو انجاز معاملة الترخيص وليس التفكير بما علينا ان نفعله اذا ما واجهنا الحريق لا سمح الله
ما ينطبق على تعاملنا مع طفاية الحريق والعاكسة هو نمط تفكيرنا مع كل الامور فنحن نفكر فقط في لوازم انجاز الموضوع ظاهريّا دون التفكير في مواجهة صُلب الموضوع
يا الله شو محتاج فينا الواحد محلات لوازم
انا رح ابلش اتذكر شويّة منهم ويا ريت تساعدوني بالباقي
لوازم نفاق اجتماعي
لوازم خطبة وزواج
لوازم....ولوازم
ولوازم
ساعدوني من عندكم بالباقي.....
يوسف
07/06/2011
والله هم بيضحك وهم بيبكي ، يعني الكل عارف اه في ضحك على الذقون بس للاسف الكل ساكت ومطنش وزمان قالوها رزق الهبل على المجانين ..
ردحذفبعين الله ... و الله إحترنا .. و مشكلتنا فعلا إنا بنفكر بالأشياء لتمشي متطلبات الحياة بشكل مؤقت .. وبننسى إنها شي ضروري و يجب أن يبقى
ردحذفاخي يوسف مسا الخير
ردحذفكلنا في هذا الزمن الرديء نحتاج للمكملات في حياتنا
فلا تعتب على احد
الاوضاع الاقتصادية والسياسية والفساد المنتشر اكث من سوريا الاسد صار با الاردن يجعل الاكثرية محتاجين ولا احب ان اقول منافقين
يوسف باشا، بألاقي عندك لوازم خياطة، زر القميص فلت و بدي أركبه!؟
ردحذفبس سؤال بريء لا يحتمل أي تأويل: و المسؤولين في دائرة ترخيص المركبات ما عندهم خبر بهالمحل؟
معلش اسمحولي اول شيء ارد على اخي صالح لان الجواب ما بينتظر...
ردحذفهم اصحابه اكيد من الباطن
لوازم الخياطة موجودة
بس نعرف المناسبة اللي بتفرض عليك تركب زر القميص
ما بيمشي المشوار اللي رايحه بدون زر
مساء الفل والياسمين
فعلا موجودين على باب الترخيص
ردحذفوأزيدك من الشعر بيت , في دهان سيارة اسمه : دهان ترخيص , يعني بشلفق دهان السيارة شو ما كان على شان اللي بفحص السيارة ما يشوف اشي مبيّن بطريقة فاضحة
بدنا كمان محل لوازم "صدق مع أنفسنا"
امتياز
ردحذفصباح الخير
نعم هون المشكلة الكبيرة اننا جميعنا نعرف اننا لا نحل مشكلة ولكننا نرحلها الى منطقة اخرى
والاقسى من ذلك اننا لاحقا ننسى اننا لم نحلها
بل على الاغلب ننسى المشكلة كلها
الا ان ياتي يوما ونجد المشكلة امامنا وقد كبرت وتفاقمت ويصعب حلهج
دمتِ بخير
جولاني
ردحذفصباح الخير
واهلا وسهلا بك ويشرفني مرورك الاول
لخمونا في مشاكل الحياة وخلطولنا الاساسيات مع الثانويات والعوض بسلامتك ....متاهة
لذلك لا بد من التفكير جديا بحل المشاكل الواحدة تلو الاخرى ومحاولة عدم الترحيل خوفا من تفاقم الامور لاحقا
دمت بخير
اخي نضال
ردحذفصباح الخير
والله بعرف
بس كثير اللي عم بيصير
كله ضحك على الذقون
ووضع رؤوسنا في الرمال كالنعام
دون المواجهة لحل اي مشكلة
واتفق معك ان لامور تسير باتجاه خطر
ما لم يتم اعادة النظر في الكثير من الاساسيات
دمت بخير
ابو زينة
ردحذفصباح الخير اخي
اكيد انا اعتقد انه لازم يصير عنا محلات لوازم ما يلزم من كل انواع الضحك على الذقون والفساد...الخ
مكاتب خدمات فساد وافساد
ليش المواطن يفكر يكون بسيارته طفاية حريق لخدمته طالما هناك من يدله على طريق خطأ ويقول له هذه من لوازم الترخيص فقط
دمت بخير
من الصبح عم بدوّر على مقال بيحكي عن نفس الشغلة :)
ردحذفاتفضل
:)
http://alghad.com/index.php/afkar_wamawaqef/article/25611.html