أحسبُ أنكِ القمر
وأظنُكِ تحسبين أني الشمس
لا اقبلُ ان اكون الشمس
التي تسطعُ لتُخفيّ القمر من خلفها
ولكني أقبل ان نكون نجميّنِ معاً
يتلألأن فرحاً في سماء ليّلةٍ مُظلمة
الشمسُ والقمرُ فيها غائبان
يوسف
من مجموعة خواطر مُهداة الى حواء بمناسبة يوم المرأة العالمي (2 -4 )
أول شي صباح الخير يوسف .....
ردحذفتاني شي حتى لمن تحكو كلمة حق وحلوة بدكم تهمسوها همس عشان أدم ما يسمعها منكم ؟؟؟؟؟؟ ليش همسه خليها صرخه... صوت عالي... بلكي في ناس بدها تتعلم .....بلكي في آدم بيقرء وبدو يتغير نحو الافضل ...جلطتني ...بس بلاش تصدق بمزح معك
تاني شي انا متأكده انو لو في منك الفين مو بالعالم.... طبعا ولا بالاردن ...لا بعمان ....كان برضه نصيبك نصيبك
فليش تفتح علينا جروح خلينا عايشات ...قال اقمار قال ...يخي روح انتو الشمس والقمر وخلينا نجمات ساطعه ...بس خلولنا سماء نسطع فيها
طبعا هاد الحكي لأدم مو ليوسف الرفيق الغالي
تسلم يوسف عالكلمات الصباحيه الحلوه
ولا زال في الموقد حطب ولا زال في الحياة أمل يجعلنا نبتسم
جمعتك مباركه
أنا ما سمعت شي
ردحذف;-)
مساء العطر يوسف
ردحذفتبقى الهمسات صوت هادئ صاخب في ذات الوقت
خاطرة راقية
هادئة بجمالها وهمسها
دمت بخير
تحياتي
طبعا هاد خارج موضوع همسة لحواء
ردحذفبس سؤال لصالح ....يعني عملت حالك مو سامع اول شي هاظ الموضوع لحواء مو لأدم ليش انته اجيت تقرءه معناتو بيهمكم كل شي بيخص حواء بس بتعملوا حالكم مش سامعين ولا شايفين ...شايف كيف....؟؟؟؟؟
يعني عارفين بس مطنشين ...ما هوه هاظ الي جالطنا
طبعا أنا أستعملت لفظ هاظ ...عشان تعرفوا أني بمزح يعني بعرف أحكي هاده بس هاظ بلفت النظر اكتر
يلا بعين الله ...لا تأخذني أخي يوسف عالمداخله بس انقهرت من الي عامل حالو مو سامع
الله يعينها
خاطرة فى منتهى الرووووعة تسلم ايدك يا يوسف
ردحذفما في اجمل من الهمسات لانها بالعاده بتكون ارق شيء ممكن يتقال و الهمس بزيده رقّه :)
ردحذفجميل جدا يوسف ....
شكله صالح حابب يكون شمس و يضل هو و القمر متلاحقين وما يتلاقو ابدا
رفيقي....
ردحذفلا اريد احباط جهودك ....وانا ادرك مقدار تقديرك واحترامك لحواء
وانت تدرك جيدا عدم انحيازي لحواء على حساب الحق
لكن سامحني...لم استطع وانا اقرأ الهمسه الا ان اقول في سري لكل الاوادم في العالم:
اسمع همساتك ... أصدقك!
اشوف افعالك ... استعجب!
و عجبي!!!
حــبيتها!!! أحلى شي الهمسات مشان هيك انا قلت لادم أهمس في اذني :)
ردحذفبس بدي احكي لخلود انوا في اودم زي الصديق يوسف .. موجودين والله :P
نيسان : بس لما قرأت تعليقك حكيت جملة واحده .. ما الذها كيف ردودها :) :P
العزيزة خلود
ردحذفمساء الخير
يعني صديقاتنا المشتركات جاوبوا عني
لما آدم يصرخ باعلى صوته حتى باجمل كلمات الحب والغزل
تفقد معناها ولا تبقي الا الاحساس بان آدم لا زال يمارس
دوره السلطوي برفع صوته....!!!
بعدبن الهمس ....ليس تمريرا للكلمات
هو تغليف للكلمات بارق المشاعر والاحاسيس
اما من ناحية صالح
انتِ ظلمتبه
هو قصده زي قصدك تماما
ما سمع بدو ايّاني اعلي صوتي عالآخر
علشان الكل يسمع
مسائك فل
صالح
ردحذفمساء الخير
اكيد قرأت ردي على خلود
وما اعتقد اني خاليتلك مجال تكون اليوم مع المعارضة
!!!!!!!
تحياتي لك
همس الحنين
ردحذفمساء الفل والياسمين
اولا اشكرك على وجودك هنا وعلى كلماتك الرقيقة
ثانيا حقيقي ما كتبتيه هو ما كنت اقصده تماما
عندما عنونت همسة....
تحياتي لك
ودمتِ بخير
هبة فاروق
ردحذفمساء الخير
اشكرك على وجودك الدائم
وانتِ دائماُ المبدعة والمتألقة
دمتِ بخير
ويسبر
ردحذفمساء الفل
على راي صالح اتفق معك 100%......!!! زعيم المعارضة
بعدين ليش بتفهموا لآدم غلط
هو مش قصده طناااااااااش
هو قصده اعلي صوتي خلي اللي ما سمه يسمع
دمتِ بخير
نيسان
ردحذفمساء الخير
انتِ قرأتيها برضو للهمسة....!!!
هاي مش للقراءة
هايّ بدها قعدة رايئة وفنجان قهوة وماجدة الرومي
بتغني ما حدا بيعبي مطرحك في قلبي......
وتقرائيها .....
اكيد كان تغيّر ردة فعلك من
اسمع همساتك ... أصدقك!
اشوف افعالك ... استعجب
الى.........
إسمع قلبي وشوف دقاته
تعرف حبي من نغماته
إسمع قلبي وشوف دقاته
تعرف حبي من نغماته
ليه تسألني وتحيرني
إسمع قلبي وشوف دقاته
تعرف حبي... إسمع
إسمع قلبي
مساء الفل والياسمين
هناء
ردحذفمساء الخير
اكيد .... بس احيانا الظروف بتقسى على آدم فما بتطلع معه الهمسات او على حواء فما بتسمعها حتى لو سمعتها ممكن ما تحس فيها......
بدي كمان احكيلك انه الاحساس الرومانسي والذي غالبا ما يُشاع انه مفقود عند آدم خاصة في بلدنا ... اقول انه حتما موجود ولكن يحتاج الى اجواء عامة وخاصة قد تكون معدومة عندنا في البلد
دمتِ بخير
بتعرفني، إن كان في مجال لازم أستخدم حقي في المعارضة حتى و لو ع الماشي.
ردحذف(ملاحظة: ما عندي مشكلة أكون مظلوم مثل بقية الأمة.)
أنا عكس صالح ؛ سمعت كل شييييييييييييييييي
ردحذف:)
إلي وقفات عندك يا يوسف :)
عم بقرأ إدراجاتك أثناء سفرتي و ... سأعووووووود :))
مساء الخير
ردحذفوالحمد لله على السلامة
وان شاء الله بالتوفيق
والله رح تفتحوا علينا حواء من اوسع الابواب
شو يعني عكس صالح......سمعت وموافق
والا سمعت ومعارض...........تفرق
بمزح
هههههه
اشتقنالك وعرفنا قيمة حضورك الدائم
تحياتي لك
خاطره في منتهي الجمال
ردحذفتوضح مدي حب آدم لحواء
احترامي لقلمك المبدع
كارولين
ردحذفمساء الفل والياسمين
والله انتِ اللي منورة دايما
اشكرك على تواجدك هنا
دمت بخيّر
مو مهم همس
ردحذفولا صراخ
صوت عالي
ولا منخفض
المهم الفعل
أترك الاقوال جانبا
ودعني أحكم على آدم
من خلال أفعاله.....
حواء في الانتظااااار
معارض معارض .... معا"فق" :)
ردحذفزينة الصبايا
ردحذفمساء الخير
حواء في الانتظار
وآدم رد في الجزء الثالث من الخواطر
هل تعتقدبن انه فهم حواء
او حاول على الاقل
دمتِ بخير
هيثم
ردحذفمساء الخير
2 ...معارض .....1/2... موافق
النتيجة معارض بامتياز
دمت بخير