سبحان الله ... في ناس شغلتها عملتها توجه الانتقاد لغيرها شو ما عمل ....وهذوله موجودين وين ما كان ...
هلأ امبارح تم الافراج عن 550 اسير فلسطيني من السجون الاسرائيلية وحسب الاتفاق المصري الاسرائيلي اغلبهم من فتح والشعبية وليس فيهم من حماس تكملة لاتفاقية التبادل مع حماس التي تم بموجبها في المرحلة الاولى الافراج عن 450 من الاسرى وحسب قوائم حماس ....
اسمعو معي الاصوات التي تنوح شو بتحكي ....قال
كلهم من الاسرى اللي كان رح ينهوا محكوميتهم في العام 2014 ....طبعا يا عمي اللي ايدو في النار مش زي اللي ايدو في الميّة....مهيو 2014 على الابواب ضايله 3 سنين بس وبعدين مهو الاحتلال صار ابو القانون مثلا يعني اللي بخلص محكوميته بطلعوه ... قبل ما يطلعو عينيه
هلأ اللي متضايق كثير من الاتفاقية وشايف انه حماس انضحك عليها .... حلها بسيط مش ضايل في الاسر الا 4500 اسير يعني شاليطين اسرى وشاليطين مش معروف مصيرهم ...
مش كثير على اللي بيحكو كثير لانهم من زمان ما بيشتغلوش اما على اللي بيشتغل هذول كثار وبدهم شغل وشهداء وعمليّات وتصفيّة قيادات وحصار وممكن حرب كمان...
المشكلة انه هذول جماعة الحكي موجودين وين ما كان مش بس عنا بفلسطين ... وهلأ موسمهم بتشوفوهم كل ليلة على برامج التوك شو في مصر وعلى الفضائيّات اللي هالكتنا حكي فاضي
بس وجب علينا ننسى هالحكي ونبارك لاخوتنا الاسرى واهاليهم ونقلهم الحمد لله على السلامة وربنا كبير كما كتب لكم الحرية سيكتب لاخوتكم ممن تركتوهم خلفكم في المعتقلات الحرية ان شاء الله قريبا ...ولقاؤنا معكم ان شاء الله على ارض فلسطين المحررة.
يوسف
19/12/2011
الحمدلله على سلامتهم وعقبال عند كل الاسرى ان شاء الله......
ردحذفصدقت اللي ايدو بالمي مش زي اللي ايدو في النار
واللي مش عاجبه يفرجينا شطارته.
مساء الخير
لاشك ان وساطة مصر كات لها اكبر الاثر فى تنفيذ هذه الصفقة والصفقة الاولى
ردحذفوهذا واجب على مصر فى حماية اخواننا المناضلين امام تملص وتراوغ العدو الاسرائيلى
هنيئا لكل الاخوة والاخوات الفلسطيتيات
كل بلد فيها اللى يخلى أهلها يحزنو عليها .. الغريب بقينا نفرح بحجات صغييييييييرة أوى والكأحداث الكبيرة نقول ربنا يعديها وياما دقت عل الراس طبول
ردحذفصحيح ياما دقت بس لإمتى الهوان ولإمتى هنفضل تحت حكومات عايزة الحرق .... شغلونا منهم لله عن حقوقنا اللى اخدها العدو
الغريب إننا ممكن نسمع ناس كتير دلوقتى تقول ردا على كلامى ده ليه مبقيناش عارفين نفرح؟؟ انا فرحانه طبعا لأى أسير بيخرج ربنا يفك أسرهم جميعاااااااا
نفسنا نفرح بجد مبقتش عارفه هو احنا فعلا منستحقش الفرح والأمان ؟؟؟ اقصد الشعب العربى ؟؟ يمكن بقينا بعيد عن ربنا ؟؟
اسفه انى طولت فى ردى لكن الموضوع متزامن مع ما يحدث عندنا فى مصر ليه وصلنا لكده
يارب الجاى يبقى احلى ومش قادرة أقول وولادنا تشوف الاقصى محرر وبلادنا مستقله وقويه لان نفسى احنا كمان نشوفها ومنستناش كتير
تحياتى
الحمدلله على سلامتهم .. ومبارك عودتهم لعائلاتهم .. وحتى لو كانوا من فتح ولا شعبية ولا حماس ولا جهاد في النهاية هم فلسطينيين بالاول وبالاخير ..
ردحذفولكن اللي مستغربيته انه مافيش ضجة اعلامية وشعبية كما حدث في المرحلة الاولى ؟؟
مباركه الحريه لاسرانا و العاقبه لم تركوهم خلفهم في السجون و ان شاء الله تشرق شمس يوم تبيض السجون و نهنئ بهم جميعا بيننا
ردحذففاسمائهم وحدها تعطينا دروسا في النضال و موعدنا مع الشاالطين كرمال البقيه
و لقائنا على ارض فلسطين يا والدي اراه قريبا ان شاء الله و ليس لك على الله بعسير
نعم ،
ردحذفمبارك علينا تحرير أسرانا ...
و مهما أراد آخرون تنغيص تلك الفرحة بأفكارهم السلبية
و المزعجة ، يجب علينا ألا نكترث لهم ...
تحيآتي لكْ ...
بغض النظر عن ا ل ا نت قا دا ت اي اسير خرج هو انتصار للشعب الفلسطيني ولكل العرب هو ليلة السجن سهلة..او قليلة تحت يد سجان اسرائيلي ..
ردحذفالله يفك اسر جميع الاسر ى
حمدا لله علي سلامتهم ورجوعهم للحريه
ردحذفوعقبال تحرر فلسطين
تحياتي
الصديقات والاصدقاء الاعزاء
ردحذفمساء الخير لكم جميعاً
اشكر لكم مشاركتكم وتعليقاتكم
والحمد لله على تحرير آسرانا وعقبال عند الباقيّين قريباً
ان شاء الله
وفعلاً لا ادري لماذا لم يحظى تحريرهم بالقدر المطلوب من الفرح والاشادة بهم كما حصل مع الدفعة الاولى
ان شاء الله قريبا يتحرر باقي اسرانا وتكون احوال الامة احسن حالا وأهدأ بالا ونحتفل جميعا بهم كما يجب
دمتم بخير