التسميات

الخميس، أكتوبر 25، 2012

الموت ولا مخيّم الزعتري


يا للعيب ويا للعار

اللي بشوف على الفيسبوك الصور والتأيّيد والدعوات للشعب السوري الشقيق بيقول يا ما شاء الله على هالامة ...وبيّفكر انه والله لسه فيها الخيّر ....

روحوا شوفوا اكثر من 100 الف لاجئ سوري عايّشين بيناتنا من اكثر من سنة شو حالهم وكيف عايّشين ؟؟؟؟
لما إسرائيل شنت حرب على لبنان 2006 السوريّيين فتحوا بيوتهم ومدارسهم وما اشعروا اللبنانيّين الا انهم بين اهلهم وناسهم واحنا بنقول لهم ...شو جابكوا على بلادنا ...ارجعوا احسنلكم

لا جهات حكومية ولا جهات خاصة ولا جمعيات خيرية ...
فقط مبادرات فرديّة او خطابات ( جمع خطابة ) من يتردد على المخيم عدا الاوروبيّين او بعض العرب ممن لهم مصالح في تجنيد بعض اللاجئين ..او زواج من اللاجئات ...! !

ليس مطلوبا ان تكون مؤيّداً للنظام السوريّ او معارضا له لكي تبرهن على إنسانيّتك ...
فالانسانيّة براء من النظام ومن معارضيه ومن كل من تسبب في قتل وجرح وتهجير الشعب السوري الشقيق ,,,, ويوما ما ستتبرأ الانسانيّة منا نحن اهل البيّت اذا ما بقيّنا على سلبيّتنا ونحن نرى اشقائنا السوريّين بيّننا يموتون في اليّوم 100 مرة ...

دعوة للجميع ..
لماذا لا تكون رحلة العائلة ونزهتها خلال عطلة العيد الى مخيّم الزعتري ...ان لم يكن السبب زيارتهم ومشاركتنا لهم همومهم على العيد ...على الاقل لاخذ العبرة والدروس ..

وين شركات السيّاحة والعروض الخاصة على عطلات العيد
شرم الشيخ والاقصر واسوان ومرميس وانطاليّا واسطنبول ..
ما يخافوا الله ويضيفوا مخيم الزعتري للاجئين السوريّين ...؟؟؟

يوسف
25/10/2012       
    

هناك 7 تعليقات:

  1. هو أنا ممكن أقول كل سنة و حضرتك طيب و بألف خير و سعاده و عيد سعيد عليك و على كل حبايبك يا رب
    :)

    ردحذف
  2. في مجموعه شباب و صبايا زايرينهم من جمعيه صناع الحياه قبل فتره

    حكتلي وحده من اللي راحو بالاضافه للمكان و بعده عن كل شي حي حواليه ، الموقع الجغرافي اللي كتير غلط حاطينهم بشبه وادي و وممر هوائي ، يعني لو يبدا المطر او مش لو لانه على الابواب ان شاء الله،، لما تشتي الدنيا خيمهم مكان تجمع المطر بين الجبال غير عن ان الهوا طير خيمتين قبل كم يوم

    المفروض يكون في تحرك فردي او جماعي .للاسف الجماعي اللي ممكن يؤثر و يغير هالحال مش فاضي و مسوي حاله مش ﻣﻨﺘﺒﻪ
    وحتى الفردي اللي بقدر يغير عامل نفس الشي

    فعالقليله اللي لسا بحسو بهالمجتمع يعملو شي ﻟﻴﺒﺪﺍ التغيير من هالوضع المؤسف الغير انساني

    ردحذف
  3. مساء الخير ابو عمر ومساء الخير للجميع
    هذا مخيم يعني المفروض انه وضع مؤقت لحين انفراج الازمه السوريه وما حدا كان متوقع انه تتطور الامور وتطول لهالدرجه !
    نحنا كأفراد مش طالع بأيدنا الا المبادرات الفرديه لكن مشكلتهم الرئيسيه بالمكان وهذا اللي ما بنقدر نساعدهم فيه.
    حتى اهل المنطقه اللي ساكنين بالقرب من المخيم بيشكوا من تردي الخدمات اصلاً عندهم الخدمات التعليميه والصحيه و توفر المياه!
    يعني الحكومه مش قادره تحل مشاكل مواطنيها فما بالك باللاجئين !!! حسبي الله ونعم الوكيل والواحد مش عارف ايش يقول غير هيك
    الله يفرجها عليهم يا رب وان شاء الله بتنحلّ عن قريب .

    ردحذف
  4. كل عام وحضرتك بخير وسعادة

    ويارب نحتفل قريبا بتحرير سوريا واحرارها


    والله وحشنى جدا المرورو هنا لكن عذرا انشغلت فى فرح اخويا ونفسيا مكنتش قادرة ابدا اقرأ ولما أقرأ مقدرش اعلق :(



    عيد سعييييييييد

    ردحذف
  5. يعني شو بدكم نعمل ننزلهم على عمان يسكنوا فيها اذا هذا شعارهم رجعوهم على سوريا خليهم يموتوا خيرا تفعل شرا تلقى

    ردحذف
  6. يعني شو بدكم نعمل ننزلهم على عمان يسكنوا فيها اذا هذا شعارهم رجعوهم على سوريا خليهم يموتوا خيرا تفعل شرا تلقى

    ردحذف