التسميات

الخميس، أبريل 28، 2011

الدينار ...بديلاً عن لمسة الحنان


معقول يمر اسبوع كامل حكينا فيه عن المعاقين وما جبنا سيرتك يا علي ... ما بيصير انا لو بدي اكتب عنك بس وعن حالتك وشو صار معك بدي مُجلدات بس خليها عالله يا مواطن ...صحيح نسيت اني مستوطن ولم اكن يوما ولا في بلد مواطن .
بس حابب برضو احكيلكم هالحكاية الصغيرة...
منذ فترة تعودت انا وعلي لحالنا نروح كل يوم جمعة نعمل شوبنغ واختيار المكان حسب رغبة الباشا بلشنا بسيفوي ومررنا بالكوزمو وتحولنا اخيرا الى كارفور وانا بستمتع كتير مع علي بالشوبنغ ولو اني لحالي وعلي على كرسيّه والعربايّة بالايد التانيّة بس تعودت وبعرف ادبر حالي لحالي وبطلع فيهم الاتنين وبنزل على السلالم المتحركة الداخليّة...ما علينا المهم لما بوصل على منطقة الخضار والفواكه بلف لحالي وبتركه هو والعربايّة على جنب وبلملم من هون شويّ ومن هناك شويّ وبرجع بحط في العربايّة في اخر مرتين كنت لما ارجع على العربايّة الاقي علي مبسوط وبيضحك اقوله مالك بابا شو في
يقولي عمتو ...ويفتح ايده ...الاقي فيها دينار
اضحك من قلبي من جوه...........
على قد ما كنت الاقي ناس يتعرفوا على علي في السوق وخاصة من الاجانب والمقيمين خارج البلد ويكونوا بيستنوني علشان يسألوني عنه ...اتضح لي ان عندنا الكثير ممن يكنون مشاعر الحب لعلي وامثاله ولكنهم لا يقدروا ان يعبروا عن هذا الحب الا بالدينار حتى لو كان كل ما يظهر على علي انه ليس بحاجة الدينار بقدر حاجته للمسة حنان مفقودة عند اغلبنا.


هناك 13 تعليقًا:

  1. الله لا يرحمك من علي وضحكة علي انا بلاحظ على الاهل وانا وحده منهم لما اولادهم بيضحكوا كانهم ملكوا العالم كله والله لا يحرمنا من ضحكتهم يارب !

    ردحذف
  2. :))
    عادي... كل واحد وعلامو؟؟؟!!!

    ردحذف
  3. الله يخليلك إياه و يخليك إله، و على رأي نيسان: كل واحد و علامه

    ردحذف
  4. ييي آسفه قصدت لا يحرمك انا آسفه جد خطأ مطبعي ما انتبهت اله الا هلا :(

    ردحذف
  5. سوزان
    ليس مهما كثيرا كيف تكتب؟
    المهم كيف نقرؤها؟
    وكيف نشعر بها؟

    لا تقلقي ابدا

    انا قرأتها كما كنت تودين كتابتها

    دمتِ بخير
    وليلة هادئة

    ردحذف
  6. سوزان

    صباح الخير
    الله يرضى عليكِ ويسعدك
    وان شاء الله تفرحي في عبودة ولولو

    دمتِ بخيّر

    ردحذف
  7. نيسان

    صباح الخير
    الله يرضى عليكِ ويسعدك
    لسه في كثيرررررر
    بس خليها في القلب تجرح

    دمتِ بخيّر

    ردحذف
  8. صالح

    صباح الخير
    والله يرضى عليك ويسعدك

    وين الغيبة؟؟
    اشتقنا لك

    دمت بخير

    ردحذف
  9. كل واحد وثقافته وجهة نظروا كيف ممكن يعبر عن الحب !!
    الله لا يحرمك من علوش ولا ضحكتوا يارب ويسعدكم :)

    ردحذف
  10. كل واحد و علامه بكل تأكيد :)))

    الله يخليلكم إياه و يخليكم إلو

    ردحذف
  11. هناء

    مساء الخير
    والله يرضى عليكِ ويسعدك

    شكرا لكِ
    ودمتِ بخيّر

    ردحذف
  12. هيثم

    مساء الخير
    والله يرضى عليك ويسعدك
    ويخليلك هيّومه

    وينجحلك مساعيك فيما تطمح اليه

    دمت بخير

    ردحذف
  13. أخي يوسف ..
    أدام الله لك ابنك يوسف وجعله قرة عين لك ...
    التجربة علمتني ان الأطفال يشعرون ببرائتهم بمن يحبهم حقاً

    ردحذف