التسميات

الثلاثاء، نوفمبر 08، 2011

نيلك يا مصر وبحرك يا اسكندريّة

مصر ام الدنيّا طول عمرها زيّ ما هيَّ
فاتحة حضنها لاولادها ومش عايزة منهم الا اللمْة ديَّ

علشان انا دقة قديمة وعرفت مصر ...زيّ ما هيّ قبل الانفتاح
مبيعبيش راسي غير القاهرة بشوارعها وحواريها ....
وسط البلد والحسين ....
السيدة زينب والجماليّة....
النيل وجسر الجلاء

مقدرش الاقي نفسي في 6 اكتوبر ولا العبور ...
ولا في العاشر من رمضان ولا البالم هيلز
ولا في الرحاب....ولا حتى في شرم او ذهب ....


اتوه....واضيع 
زيّ الطفل الرضيع

نيلك يا مصر وبحرك يا اسكندريّه
هما اصل العشق اللي مسكون ليكِ فيّه


يوسف
08/11/2011




هناك 6 تعليقات:

  1. و الله كلماتك دي بجد عن مصر ليها طعم تاني يا استاذ يوسف ...فيها احساس عالي جدا بحد بيحب مصر بجد و بيعشق كل تفاصيلها ..

    من أحلى الأماكن ما ذكرت و التى تشعر فيها بحق انك فى مصر !

    سلمت و سلم قلمك و احساسك الطيب

    دمت بكل الخير و رحلة موفقة و سعيدة

    تحياتي

    ردحذف
  2. استاذى يوسف
    انا طبعا سعيدة جدا بكلامك عن مصر وفخورة ببلدى انها محبوبة
    ودايما اللى بيجى مصر بيحس انها بلدة وانة مش فى بلد غريبة عنة
    على فكرة انا زيك تمام لا بحب شارم الشيخ ولا الغردقة
    عشقى لسكندرية والنيل فقط ..احب اللمة والناس البسطاء
    نورتنا والله يا يوسف رحلة سعيدة وكل سنة تكرر الزيارة باذن الله

    ردحذف
  3. الكلمات جميله جداً جداً و حقيقيه أوي أنا كمان مبحبش المدن الجديده و برغم إن ناس كتير نقلت فيها و معظم العرسان و العرايس بيسكونوا فيها...لكن بصراحه أنا لما كنت بتجوز قلت إستحاله هسكن في مدينة جديده هادية و هواها نضيف...أنا بحب صوت الشارع..العيال اللي بتلعب, الباعه الجائلين, بتاع الروبابكيا, بحب أنزل أمشي على رجلي لو كان مشواري قريب...لكن طبعاً مع المدن الجديده مينفعش غير عربيه و مفيش أي مظاهر حياة.

    هفضل أقولك نورت و في إنتظار باقي الرحله :)
    نسيت أقولك بموووووت في البحر بس بصراحه بحب الساحل أكتر من إسكندرية لأسباب شخصيه.
    الصور تُحفة بجد

    تحياتي لك

    ردحذف
  4. أكرر مرةً أخرى تعليقى على تدوينتك الرائعة " شارفت مصر وفيك كل ناضرة " ..

    كم هى جميلةٌ ونبيلةٌ هذه المشاعر التى تحملها لمصر أخى يوسف ..

    وأؤكد أنها ذات المشاعر التى ينبغى أن يحملها كلٌ منا تجاه كل شبرٍ من أرض أمتنا.

    ما بالنسبة إلى حبك للنيل والمناطق القديمة فى القاهرة , فالحق معك , فهذه الأماكن لها سحرها الخاص النابع من أصالتها ..

    واعتقادى أن شعورك نحوها .. إنما هو نابعٌ من أصالتك الشخصية.

    بارك الله فيك أخى الكريم.

    ردحذف
  5. ‘لى تى ستمتد رحلتكَ هنآك ...
    فأنا " أحوس " عليكْ !!
    أمزح !

    تحيآتي لكْ ...

    ردحذف