التسميات

الثلاثاء، مايو 31، 2011

البلوغر... العوض بسلامتكم


انا هربت من الدلف واضح اني جيت تحت المزراب
كنت قد تواجدت قبل ان اكون هنا في موقع اخر ... بعد ما رتبت اموري هناك وبلشت اعرف اسوق على صفحتي هناك بلشت المشاكل الفنيّة وحقيقي ما بعرف انها مشاكل فنية والا محاولات لانهاء وجودنا ورغم ذلك حاولت الاستمرار ليبدأ مسلسل الشطب والالغاء بحجة وبدون ...ومرات يعيدوا لي صفحتي بعد العديد من المطالبات وكثيرا طناش ... دان من طين ودان من عجين.

هون بتذكروا قبل شهر لما واجهنا مشكلة وبلشنا ما نقدر ندخل ولا نعلق والغيت مشاركاتنا الاخيرة وبعدها رجع مشي الحال ...هلأ رجعنا نعاني من كتابة التعليقات على مدوناتنا ومدونات اصدقائنا وكل ما بكتب تعليق بحاول انشره بيطلعلي خطأ وبروح التعليق ولازم احاول من جديد ومرات بفتح العديد من المتصفحات في آن واحد محاولة مني لاجد متصفحا منهم لا يغدر بتعليقي وينشره وكثير من المرات بدون فايدة
هلأ تعلمت وصرت اعمل copy لكل تعليق قبل ما انشره على صفحات الاصدقاء وكل ما اعطاني خطأ احاول مرة ثانية وثالثة على طريقة copy &paste الى ان يزبط
ليش بكتب هيك لاني لا افكر بعقلية المؤامرة ولكن لاني مقتنع ان محاولات كثيرة للتعليق عند الاصدقاء قد فشلت واكيد قد يكون بعض الاصدقاء واجهوا ما واجهت وهذا يتطلب منا جميعا ان نجد لبعضنا عذرا ومن يجد عنده وقت فالرجاء محاولة الكتابة وبشكل مستمر لادارة الموقع عن الخطأ املا في محاولة اصلاح الخلل وعودة الامور الى ما كانت عليه ونرتاح من قراءة.......
400. That’s an error.
Your client has issued a malformed or illegal request. That’s all we know

هناك 18 تعليقًا:

  1. والله بتحصل معي كثير وخايفة تروح المواضيع من مدونتي ولا حتى تعليقات الاصدقاء .. بس بتهيألي انه بيكون في نوع من التطوير داخل الشركة علشان هيك ساعات بتعلق الصفحة .. كثير مثلا مابلاقي خاصية اشتراك ف المتابعين ، بتكون موجودة لكن مابقدرش افوت واشترك .. كمان لما اكتب تعليق طويل وعريض وفي الاخر يطلع لي خطأ حاول مرة اخرى .. طيب انا اجيب من وين التعليق اللي كان في راسي وكتبته علشان هيك لجئت لقصة الكوبي قبل ما ارسل التعليق خوفا من الفشل ،،

    ربنا يحفظ لنا صفحاتنا ولا بعدين الواحد بيتعب نفسيا ..
    دمت بخير

    ردحذف
  2. امتياز
    وجع البنفسج
    مساء الخير
    انا مررت بالتجربة من قبل وانا بطبيعتي اكتب مباشرة ما يجول بخاطري وعادة لا احتفظ بما اكتب خارج المدونة ولما فقدت كل او معظم ما كتبت في موقع اخر وما علق به اصدقائي انزعجت كثيرا وتوقفت لاكثر من شهرين عن التدوين ان شاء الله يكون خلل فني او تطوير للموقع

    بالمناسبة انا الاسبوع الماضي زهقت بعد ان فقدت الكثير من التعليقات الطويلة والتي يصعب اعادة كتابتها من جديد وكان معظمها لكتابات اصدقائي المميزة والتي يشرفني التعليق عليها

    الله يسمع منك ويحفظ لنا مدوناتنا وتدويناتنا

    ردحذف
  3. وانا هيك بسير معي مرات بس دايما لما اخد احتياطي ما بسير شي و بزبط بس لما ما اخد احتياطي بضيع كل شي اوقات برجع بكتب واوقات خلص بطنش حسب اذا كنت نعسانة او لأ :(

    ردحذف
  4. هناء
    مساء الخير
    فكرت حالي لحالي بهالدوامة
    وقلت هذول مستقصديني على اساس اني مهم...ههههه
    طلعنا كلنا بالهوا سوا

    واضح ان الكل عانى ولا زال يعاني من المشكلة

    ردحذف
  5. أخى الكريم : يوسف
    كلنا نعانى من هذه المشكلات
    ونتمنى أن ينتبه القائمون على الموقع حتى لايهجره المدونون...
    شكراً لك

    ردحذف
  6. If you use firefox, install "greasemonkey" addon, and then install "textarea backup" script. It should help in those cases. Not sure if there is a similar thing for chrome!

    ردحذف
  7. بصراحة أنا واجهت صعوبة مبارح بالليل لتصفح بلوغر بس ما خطر ببالي إنه ممكن يكون خطأ منهم لأني كنت أستعمل internet explorer ودايما بس أستعمله بطول ليعمل load ما بعرف ما فكرت كثير بالموضوع.. بس أنا عاملة زي ما حكى Devil's Mind وما بستعمل إلا firefox. أعتقد كمان إنه Opera مثل firefox. هدول أحسن من internet explorer

    ردحذف
  8. same here!
    يالله شو كنت عصب بس اكتب تعليق وبعدين يختفي !
    ومرة كمان واجهتني مشكلة انو كل ما افتح الصفحة تبع مدونتي او اي مدونة ع بلوغر بيكتبلي : تم اغلاق الصفحة قبل اكتمالها او هيك شي ! بجد انسدت نفسي يومها ههههه
    ::
    انا بصراحة صرت احتفظ باللي عم خربشو خوفا من انو يوما ما يصير حالو من تبع ( ذهب ولم يعُد)!

    ردحذف
  9. I always face this problem and I've been here like 6 years :D t3awadet 3ala copy & paste :D so don't worry bemshee el7aal bel2a5er

    ردحذف
  10. اخي محمد

    مساء الخير

    اكيد وانا طلبت ان نقوم بحملة للكتابة لهم عن المشاكل التي نواجه والتي تحد كثيرا من قدرتنا على التواصل مع الجميع

    دمت بخير

    ردحذف
  11. Devil's Mind

    مساء الخير

    وشكرا لك على المعلومات القيمة
    وهذا تماما ما كنت اريده من الادراج
    اولا ان افهم انها مشكلة عامة
    وثانيا ان نبحث عن حلول لها مت الاصدقاء

    دمت بخير

    ردحذف
  12. اسيل

    مساء الخير

    اكيد وانا اواجه معظم المشاكل مع المتصفح انترنت اكسبلورر والجوجل
    وافضل اوبرا والفايرفوكس
    خاصة للدخول هنا

    دمتِ بخير

    ردحذف
  13. هيثم

    مساء الخير

    المهم ما يحبطونا اكثر ما احنا محبطين
    احنا جايين هون نتنفس شوي
    مش يخنقونا

    دمت بخير

    ردحذف
  14. كله ولا تعصبي يا فرح

    مساء الخير

    بس والله مرات الواحد بينسى يعمل كوبي

    وبيضيع تعليق طويل بكون مبسوط عليه

    دمت بخير

    ردحذف
  15. سمسم

    مساء الخير

    الله يبشرك بالخير

    يعني ممكن تطول كثير هالشغلة

    حرام عليهم....محملينا جميلة انهم متقدمين علينا كثير تكنولوجبا واحنا مصدقينهم بس يحلولنا هالمشكلة
    دمت بخير

    ردحذف
  16. صراحة يا ريت قرأت هل موضوع ابل ما علقت علي قبله! زهقني ... و يضل ينمحي الي كتبته ... حصل خير

    ردحذف
  17. rare

    مساء الخير

    انا مبسوط مثير ان هذا الادراج ساعد في ان يعرف الجميع ان هناك مشكلة عامة من اجل ان نتعاون على كيفية مواجهتها

    دمتِ بخير

    ردحذف