التسميات

الثلاثاء، يونيو 07، 2011

لوازم ترخيص


بالامس مررت امام دائرة ترخيص المركبات .... ما لفت انتباهي هو محل على زاوية الدائرة وقد كتب يافطة كبيرة على واجهة المحل

             لوازم ترخيص

محل مرخص خصيصا لكي نضحك على انفسنا وعلى دائرة الترخيص ( الحكومة )....

وهو يقصد طبعا تأجير طفايّة الحريق والعاكسة الثلاثيّة لساعة فقط لانجاز متطلبات الفحص قبل الترخيص

ذهبت بعيداً كيف نتعامل مع طفاية الحريق على انها لوازم ترخيص وكل ما يهمنا منها هو انجاز معاملة الترخيص وليس التفكير بما علينا ان نفعله اذا ما واجهنا الحريق لا سمح الله

ما ينطبق على تعاملنا مع طفاية الحريق والعاكسة هو نمط تفكيرنا مع كل الامور فنحن نفكر فقط في لوازم انجاز الموضوع ظاهريّا دون التفكير في مواجهة صُلب الموضوع 

يا الله شو محتاج فينا الواحد محلات لوازم
انا رح ابلش اتذكر شويّة منهم ويا ريت تساعدوني بالباقي
لوازم نفاق اجتماعي
لوازم خطبة وزواج
لوازم....ولوازم
ولوازم
ساعدوني من عندكم بالباقي.....

يوسف
07/06/2011 
 

هناك 11 تعليقًا:

  1. والله هم بيضحك وهم بيبكي ، يعني الكل عارف اه في ضحك على الذقون بس للاسف الكل ساكت ومطنش وزمان قالوها رزق الهبل على المجانين ..

    ردحذف
  2. بعين الله ... و الله إحترنا .. و مشكلتنا فعلا إنا بنفكر بالأشياء لتمشي متطلبات الحياة بشكل مؤقت .. وبننسى إنها شي ضروري و يجب أن يبقى

    ردحذف
  3. اخي يوسف مسا الخير
    كلنا في هذا الزمن الرديء نحتاج للمكملات في حياتنا
    فلا تعتب على احد
    الاوضاع الاقتصادية والسياسية والفساد المنتشر اكث من سوريا الاسد صار با الاردن يجعل الاكثرية محتاجين ولا احب ان اقول منافقين

    ردحذف
  4. يوسف باشا، بألاقي عندك لوازم خياطة، زر القميص فلت و بدي أركبه!؟

    بس سؤال بريء لا يحتمل أي تأويل: و المسؤولين في دائرة ترخيص المركبات ما عندهم خبر بهالمحل؟

    ردحذف
  5. معلش اسمحولي اول شيء ارد على اخي صالح لان الجواب ما بينتظر...

    هم اصحابه اكيد من الباطن

    لوازم الخياطة موجودة
    بس نعرف المناسبة اللي بتفرض عليك تركب زر القميص
    ما بيمشي المشوار اللي رايحه بدون زر

    مساء الفل والياسمين

    ردحذف
  6. فعلا موجودين على باب الترخيص
    وأزيدك من الشعر بيت , في دهان سيارة اسمه : دهان ترخيص , يعني بشلفق دهان السيارة شو ما كان على شان اللي بفحص السيارة ما يشوف اشي مبيّن بطريقة فاضحة

    بدنا كمان محل لوازم "صدق مع أنفسنا"

    ردحذف
  7. امتياز

    صباح الخير

    نعم هون المشكلة الكبيرة اننا جميعنا نعرف اننا لا نحل مشكلة ولكننا نرحلها الى منطقة اخرى
    والاقسى من ذلك اننا لاحقا ننسى اننا لم نحلها
    بل على الاغلب ننسى المشكلة كلها
    الا ان ياتي يوما ونجد المشكلة امامنا وقد كبرت وتفاقمت ويصعب حلهج

    دمتِ بخير

    ردحذف
  8. جولاني

    صباح الخير

    واهلا وسهلا بك ويشرفني مرورك الاول

    لخمونا في مشاكل الحياة وخلطولنا الاساسيات مع الثانويات والعوض بسلامتك ....متاهة
    لذلك لا بد من التفكير جديا بحل المشاكل الواحدة تلو الاخرى ومحاولة عدم الترحيل خوفا من تفاقم الامور لاحقا

    دمت بخير

    ردحذف
  9. اخي نضال

    صباح الخير
    والله بعرف

    بس كثير اللي عم بيصير
    كله ضحك على الذقون
    ووضع رؤوسنا في الرمال كالنعام

    دون المواجهة لحل اي مشكلة

    واتفق معك ان لامور تسير باتجاه خطر
    ما لم يتم اعادة النظر في الكثير من الاساسيات

    دمت بخير

    ردحذف
  10. ابو زينة

    صباح الخير اخي

    اكيد انا اعتقد انه لازم يصير عنا محلات لوازم ما يلزم من كل انواع الضحك على الذقون والفساد...الخ
    مكاتب خدمات فساد وافساد

    ليش المواطن يفكر يكون بسيارته طفاية حريق لخدمته طالما هناك من يدله على طريق خطأ ويقول له هذه من لوازم الترخيص فقط

    دمت بخير

    ردحذف
  11. من الصبح عم بدوّر على مقال بيحكي عن نفس الشغلة :)

    اتفضل

    :)

    http://alghad.com/index.php/afkar_wamawaqef/article/25611.html

    ردحذف