التسميات

الأربعاء، يونيو 22، 2011

حوار هادئ.....بدون زعل +++ هنا والواقع

لاننا هنا كما في واقعنا
نحزن ونفرح...
نحب ونكره...
نضحك ونبكي...
نركض الى هنا احيانا
ونهرب من هنا احيانا

لاننا هنا كما في واقعنا
نحتاج لوقفات تأمل ومراجعة
لكيّ لا نبتعد كثيراً عن انفسنا 

يوسف
22/06/2011

>>>>>>>>>>>>>>

حوار هادئ.....بدون زعل 


 
Whisper
   
اول شي بشكرك صديقي على مشاركتنا همومنا وما يشغل بالنا دائما و بسرد الحلول و نقاط اعادة التفكير بطريقة سلسله جدا موضوع تحمّل الفتاه مسؤوليه و تحميلها لنفسها فهالكلام للاسف بعترف بوجوده عندي, و دائما ما بنلام من اهلي ومن ماما بالذات بطريقة تفكيري, و اخواني دائما بنزعجو منّي اخوي الصغير مره حكالي ان الشب بحب يحس ان البنت بحاجه اله وحتى لو كانت اخته و انتِ مشكلتك انك دائما بتحسسينا بالعكس, هي حساسية زايده او ثقه زايده او شوي بالزبط مش عارفه وبالنسبة لموضوع الانسجام مع من حولنا فهاي يمكن المشكله الاكبر, جميع اللي حوالي ممتازين بمقاييسهم و لكن مش بمقاييسي , طريقة تربيتي و ديني برفضو تصرفات كتيره حوالي و تأقلمي مستحيل معها و يمكن العمر بخليني ما اغض طرف عنها كمان العلاقات و الاختلاط المبتذل و اللي عادي بنظر اللي حوالي و مرفوض و صادم بالنسبة الي برضه اله تأثير راح اكتب عن المواضيع هاي كلها و لكن بدي اركز علشان ما بدي اسيء لشخص او لجنسية بالغلط مسائك سعيد صديقي و شكرا مره تانيه ويسبر
yosef
  ويسبر
صديقتي العزيزة....... اتفقنا ما فيش زعل...... جزء من الخلل انتِ سببه ولا بد ان تحاولي على الاقل ان تتغيّري وهذا ليس في صالحك فقط انما في صالح الجميع.... والتغيير يتطلب اولا معرفة اين مكمن الخطأ وثانيا قرار بالتغيير ....... في الجانب الذي يتعلق باهلك ودورك ودور الآخرين خذي نصيحة مني وانا اكثر من لعب دور (المُكمل ) اي انني اكمل كل الادوار ...كل من يغيب انا بديلا عنه ...كل من يقصر انا بديلا عنه...حتى اصبحت بديلا عن الجميع ومن ثم بدأت اشكو من تقصير الجميع ...طيب الم يكن من الافضل ان اترك لهم مساحة لكي يمارسوا دورهم الم يكن من الافضل ان الح واطلب من المقصر ان يمارس دوره الم يكن ذلك افضل للجميع الآن ادركت كم كنت مخطئا حين حملت السلم بالعرض وقلت انا لن اقصر وهاي فهمناها ولكن انا بديلا عن من يقصر او من يفكر ان يقصر يوما...هاي ما فهمناها وليش؟؟؟؟ المطلوب ان اقوم بدوري فقط تجاه الاخرين وعلى اكمل وجه وان اكون مثلا للآخرين ان يقتدوا بي وان ادعوهم لذلك لا ان اخذ مكانهم اضيفي الى ذلك انني آدم وانكِ حواء ...وحواء هي العطاء وبما انها مجبولة بالعطاء والى ان يحين الوقت وتصبح زوجة واما بارادة الله يكون عندها مخزون هائل من القدرة على العطاء لذلك يجد كل من حولها ومن هم الاقرب منها عطاءا بلا حدود منها وهذا عظيم ولكن من الخطأ ان يكون على حساب الغاء وتهميش عطاء الآخرين مهما كان قليلا ومتواضعا لانه ومع الايام يضعف مفهوم العطاء عند الآخرين حين يشعرون بحجم عطائهم المتواضع امام حجم عطاءك بلا حدود...........     ثانيا   نحن لا نفصل الآخرين لا حسب مقاساتنا ولا حسب مفاهيمنا وليس المطلوب منا لا ان نربيهم ولا ان نعلمهم سواء كانوا زملاء لنا في العمل او في السكن المطلوب منا ان نعرف كيف نتعامل معهم ...ونفيدهم ان امكننا ونستفيد منهم ان تمكنا من اكتشاف ما يفيدنا عندهم ...واكيد موجود عندهم .......حياة الآخرين ملكهم كما هي حياتنا ملكنا لا نقدر ان نعيش بعزلة لذلك لا بد من محاولة الاندماج ضمن حدودك الشرعية والاخلاقية ...فانتِ صاحبة القرار ربنا خلق في كل انسان ...جوانب من الطيبة ...اكتشفيها عند الآخرين وركزي عليها لن اقول اكثر من ذلك الآن ولكن نصيحة من صديق يعتز بوجودك دائما الى جانبه وجانب كل الاصدقاء انتِ بحاجة الى اجازة قصيرة تختلي فيها الى نفسك وتفضل ان تكون اجازاتك لزيارة صديقة مقربة وخارج نطاق الاهل سستساعدك كثيرا على مراجعة ذاتية    .................... وبالمناسبة والله كنت ناوي آخذ استراحة واكتب تدوينة انني مضطر لوقفة مراجعة نقدية ذاتية لا ادري كم ستطول وهل ساتمكن من الكتابة خلالها او التعليق... وتدوينتك عن غربة البنت هي من اجل ذلك الى اليوم........     دمتِ بخير والله يرضى عليكِ ويسعدك.........         يوسف 

هناك 25 تعليقًا:

  1. هلأ اذا انت غبت عنّا مين بدو ينصحنا و يحل لنا و يحلل لنا احداث حياتنا؟؟؟

    ارجوك انك توقف بينا و ما توقف بعيد عنا....بنعطيك الفتره الصباحيه او المسائيه ولكن تغيب عنا...ما اعتقد حد يرضى

    ردحذف
  2. كلام عميق كعادتك يا يوسف .. أشكرك

    و بلاش سيرة الغياب هذه! :(

    ردحذف
  3. أبي العزيز

    هلا أنا كنت بقرأ بكلام ويسبر وتحليلك لكلامها
    وناوية انا اعلق وأرسم فكرتي في الموضوع
    بس بالأسطر الأخيرة أوقفت الكلمات كلماتي
    واربكتني

    شو استراحة ما استراحة
    على رأي هيثم بلاش سيرة الغياب هاي..
    نحن في انتظار المزيد

    تحيتي

    ردحذف
  4. شو غيبه ! اعترض وبشده يعني مش كفي هم الغربه اللي إحنا فيه وكمان الاب الروحي إلنا هون يغيب لا لا لا
    هلا الكلام منطقي جداً وانا مع نصيحة والدنا الحبيب اللي بده يتركنا
    على فكرة انا زعلانه ويتوقع كتير متلي ليش بدك تتركنا !

    ردحذف
  5. أبو عمر ...

    ليش بدك تغيب ؟؟؟؟؟

    شو نقد ذاتي، أصلا إذا تحولت لناقد بتكون فشلت ( ما سمعت المقولة الشهيرة أن كل ناقد أدبي هو روائي فاشل، لأنو لو كان روائي ناجح كان دخل عالم الرواية، ابو عمر انا عندي خلفية سياسية، وبصراحة دائما دائما كنت أجد نفسي متوافق تماما مع تحليلاتك، وطبعا شو جاب لجاب انتة مخضرم اكتر مني بألف مرة،
    ابو عمر هي مدونة عبارة عن تدفق عشوائي للأفكار أولا وأخيرا، وعلى العكس من يوم ما انتة اجيت على عالم التدوين صار احلى بكتير
    ابو عمر والله ما في شي بحتاج لنقد ذاتي ماشاء الله عن رجاحة عقلك،

    ابو عمر انا مزاجي صعب بالقرأة ورغم هيك اول شي بقرأو الصبح انتة والكاتب الكبير خيري منصور

    يا الله شو حكيت ابو عمر
    خلص ابو عمر بديش احكي اكتر من هيك
    عد إلينا باليمن والبركة يا أخانا الكبير :)

    ردحذف
  6. أخي يوسف، و أنا كمان بأضم صوتي لأصوات الشباب، هيك صرنا ٦ و إنت معنا بنصير ٧، خلينا نشوف من وين بده يوسف باشا يلاقي ناس توقف معاه ضدنا
    :-)

    ردحذف
  7. صباح الخير أبو عمر والجميع
    ابو عمر كاتب انه كان ناوي يوخذ اجازة , ف كان ناوي معناته بطّل يوخذ اجازة :)

    لا تفشلنا ابو عمر , خليك حوالينا وبيننا , بتظلّك كبيرنا شو ما صار :)

    ردحذف
  8. وين نيسان لهلا ما اجت لتضم صوتها معنا

    أخي صالح أنا مفوضة نفسي عن نيسان هيك بنصير 9

    ردحذف
  9. عائلتي واهلي الكرام
    مساؤكم سعيد

    والله يرضى عليكم ويسعدكم
    اشكركم جميعاً على صدق مشاعركم
    ساعود اليوم ان شاء الله وان كنت انتظر من صديقتنا العزيزة ويسبر ما يطمئننا عن احوالها ...فهي تدري ان انقطاعها سيزيد من قلقنا عليها...
    ساعود لانني ما كنت سانقطع لانني لا اقدر على فراقكم
    ساعود لانني ساكتب تدوينة خاصة مهداة لاخي وصديقي نادر ...ليست شخصية فالكل يدرك هنا محبتنا له وللجميع ولكنها قد تجيب على بعض تساؤلاته سواء ما يطرحه هو من خلال ابداعاته او ما طرحه هنا من خلال تعليقه...
    ساعود يا خوي يا صالح لانكم هزموتني 9 - 1 وهيّ نتيجة ثقيلة ولا امامي من خيار الا محاولة تحسين النتيجة في الشوط الثاني

    دمتم بخير

    ردحذف
  10. مساء الخير للجميع

    زينه ....على حسابك انتِ بتموني عليي بأكتر من هيك.
    لكن لم اضم صوتي لاصواتكم لغاية الآن بحكم تجربتي التي تعلمت منها ان ابو عمر لما يقول بده يغيب ما حدا بيقدر يقنعه بالتراجع, ولكن تعلمت ايضاان غيابه ليس بالغياب الكامل الذي سنفتقده فيه ولا هو غياب لفترات طويله...اثق بانه سيكون موجودا ومتابعا لنا وانما هي استراحة المحارب وبعدها يعود بقوه كما عهدناه .

    ردحذف
  11. كتبت تعليقي الاول قبل ما اشوف تعليق ابو عمر

    طيب ....الحمدلله انك فشلتني وهيهم قدروا يغلبوك
    :)
    ولو اني كنت ناويه استغل غيابك واكتب شوية حكي في السياسه ههههههههههههه ....على مبدأ
    ان غاب القط_____

    ردحذف
  12. الله يسعدك و يرضى عليك

    انا و الحمد لله بخير, بابا كان تعبان شوي و كنت كتير مشغولة عليه, حكيت عن التأمين الصحي و لكن ما حمدت ربنا انّهم ما احتاجوله ....للاسف بابا احتاجه :(
    الحمد لله اليوم لما حكيت الصبح اتطمن عليه هو اللي رد و حكالي انه منيح و كان مروح من المستشفى, الله يبعد عنكم و عنه كل الشر و ربنا يديم عليهم الصحه يا رب

    بالنسبة للنتيجه.... فتأكد انّ محبتنا لتواجدك بينا دائما اللي راح تغلب, بالشوط التاني وبالتصفيات وعالنهائي كمان :)

    ردحذف
  13. الله يسلم شانك ابو عمر، وأنا كنت صادق في كل كلمة قلتها، أحب ذكرياتك، أحب أرائك،
    أحس بأنك من جيل القومية النظيفة الصافية،
    أنا يا أبو عمر أهرب في تدويناتي إلى عالم الخيال
    لأني لو حكيت اللي في قلبي بنحبس خلال اربع وعشرين دقيقة!! وأبوي كبر وما عاد فيو حيل يراكد وراي في المخافر والمستشفيات
    بعدين بالنسبة للتسعة واحد
    عادي السعودية اكلتها من المانيا 8 صفر في مونديال 2002 يومها سامي الجابر كابتن السعودية دخل التاريخ، كان اللاعب الوحيد اللي سنتر 9 مرات في مبارة وحدة !!

    شكرا ابو عمر انك عملت خاطر النا ورجعت
    في انتظار تدوينتك يا أخانا الكبير

    ردحذف
  14. ويسبر هانم: الحمد لله ع سلامة الوالد.

    أخي أبو عمر: لا فيه غالب و لا مغلوب، كلنا غالبين إن شاء الله.

    ردحذف
  15. شكرا صالح باشا :) الله يسلمك و يسلّملك كل الغاليين يا رب

    ردحذف
  16. ويسبر

    الحمد لله على سلامة الوالد
    وصدقيني كنت منتظر تعليقك لاطمئن عليكِ
    قبل ان اعاود نشاطي من جديد

    الله يديم عليهم الصحة والعافية

    ردحذف
  17. اخي صالح

    الله يديمك اخا وصديقا للجميع

    اكيد الكل هنا كسبان

    دمت بخير

    ردحذف
  18. الله يسلمك يا رب
    الحمد لله هو هلأ بخير

    انا بعتذر على القلق اللي سببته .... كنت متدايقه و شكلي عبّرت بزياده يومها

    شكرا لتواجدك صديق و اخ و اب بينا دائما

    ردحذف
  19. ,ويسبر
    الحمدلله على سلامة الوالد ...ما يشوف شر ان شاء الله ويطمن قلبك عليه يا رب.

    ردحذف
  20. الله يسلمك يا رب...تسلمي يا قمر
    الحمد لله ان شاء الله صار احسن, صوته اليوم كتير احسن من امبارح

    ردحذف
  21. أول شي عجبني تحليلك وردك ع اللي حكته ويسبر ,
    وخصوصا جزئية العطاء وقرأتها مرتين وكنت أقول بعد كل سطر "ايه صح" يعني كأنو في شي كان بعقلي كان بمطرح تاني وأنت رجعتو لمكانه ..

    بعدين قرأت عن قصة الغياب وما الغياب ): وكان بدي ابتدي تعليقي بشكل تاني , بس لأنو قرأت التعليقات وردك فاا تراجعت وتأنيت (: ( يعني لسا قريت تدوينة القلاب ,, أخذت العبرة اللي فيها ) ..(:

    لذلك ان شاءالله بتبقى حدنا ونقرأ تدويناتك , أنا صحيح صرت أغيب هالفترة بس اذا رجعت بقرأ تدويناتك اللي فاتتني وبحب أشوف شو رأيك باللي صاير وهكذا , يعني حتى لو ما علّقت بس بقرأ ...
    لذلك خليك حدنا (:

    ويسبر : الحمدالله ع سلامة البابا (:

    ردحذف
  22. نيسان

    صباح الخير

    بالعكس تحليلك ورؤيتك للامور صحيحة

    وانا فقط كنت احتاج لبعض الوقت

    لكي اراجع بعض المواقف والرؤى

    وهل يمكن الخوض بها الآن ام لا

    وما آثر ذلك على وجودي هنا

    الحمد لله حادثة القلاب وان كانت قدر ومصيبة على صاحبه ولكنها كانت مفيدة لي وفيها العبرة

    صباح الفل والياسمين
    والله يرضى عليكِ ويسعدك

    ردحذف
  23. فرح
    بنتي
    صباح الخير
    والله يرضى عليكِ ويسعدك

    بعرف انك موجودة دائما وان شاء الله تكوني دائما موجودة بصحتك وعافيتك ونشاطك
    وضحكتك اللي سمعتها لهون
    مغاوزة.....يعني منحازة وبشكل واضح ومكشوف
    فهمتِ.....؟

    يعني خفي شوي
    ذكرت عمر في كتاباتي كثيررررر
    ما طلعله ولا مرة ...ابتسامة

    خذيلك هالمعلومة .... تغشيشة ببلاش بما انك قلتي ان ثلاثتهم يبدأون بحرف العين...والصحيح اربعتنا نبدأ بحرف العين....

    دمتِ بخير ابنتي
    والله يرضى عليكِ ويسعدك

    ردحذف
  24. هههههههههههههههه
    هلأ أنا منحازةوبشكل واضح ومكشوف كمان !
    الله يسامحك يا حاج ! (:
    أنا هيك ؟
    بعدين أنا فهمت أيه نعم أنا فهمتكم ههههههه يعني بدون التغشيشة لهيك من البداية ضحكت (:

    وبالعكس أنا مابفرّق كلنا واحد (:
    وهاي 3 ابتسامات لـ عمـــر ,, (: (: (:

    ردحذف