التسميات

الأربعاء، يونيو 29، 2011

الذكرى والإسراء والاسر


بسم الله الرحمن الرحيم 
سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ البَصِيرُ 
صدق الله العظيم

يُّصادف اليّوم الاربعاء 29/6/2011
ذكرى الإسراء والمعراج
كل سنة وانتم سالمين

لا ادري ان كانت مصادفة ان تمر عليّنا ذكرى الإسراء والمعراج والبلد مشغولة بفضائح الفساد واشهرها اليوم فضيحة كازينو القمار ... حتى إلغاء العطلة الرسميّة من قبل الحكومة في هذه المناسبة هو دليل اخر على انهم لا يريدون فقط ان يُّشغلونا عن تذكر المناسبة ولكن ان ننسى المسجد الاقصى ...صاحب الذكرى والمناسبة العظيمة ...والذي يقبع تحت الاحتلال والتهويد منذ اكثر من 44 عاماً...نعم انهم يريدوننا ان ننسى هذا اليوم وماذا كان يعني لنا وللامة العربية والاسلامية وعلى مدى قرون.

في هذه الذكرى نتذكر المسجد واهلنا في فلسطين المرابطين القابضين على الجمر وندعو الله ان يُفك اسر المسجد الاقصى وكافة ارضنا وشعبنا من نيّر الاحتلال وان يَّفك اسر الامة باكملها من الفاسدين والمفسدين ...
وان شاء الله ربنا يجمعنا معاً يوما على ارض فلسطين ونصلي في الاقصى شكراً لله....
آمين يا رب العالمين

يوسف
29/06/2011

هناك 10 تعليقات:

  1. كل عام والمسلمين بخير
    والله يا ابو غريب انه الحكي اللي موجود جوّاته الواحد بده سنين وهو يحكي فيه

    وعلى قولة هالواحد
    "الله بحاسبهم" ما عليك :)

    ردحذف
  2. امين يارب العالمين :)
    كل عام وانت بخير وكل الأمة الأسلامية بخير والله يعيدوا علينا بأوضاع اصلح من هيك للأمة الأسلامية يارب

    ردحذف
  3. نحن هنا في فلسطين لسنا بحاجة لتذكر الاسراءوالمعراج فشاهده امام اعيننا نحن فقط بحاجة ان نتذكر انه لا زال هنالك عرب مسلمين يعرفون من اين اُسري بالنبي عليه افضل الصلاة والتسليم
    وربما بعض الناس نسوا هذه الذكرى
    لانه ليس بيوع عطلة رسمية و...

    والله قلبي وجعني
    انسوا

    ردحذف
  4. صحيح في ناس نسيوا المناسبه لانها مش عطله رسميه....ان شاء الله يحفظ الاقصى بخير ويجمعنا على ارض فلسطين الطاهره قريبا.

    ردحذف
  5. كل عام والأمة الإسلامية بخيــــــر
    وإن شاء الله الأيام القادمة تحمل لنا بشائر الوحدة والنصر وترفرف رايات الحرية على مآذن الأقصى الشريف وسائر أراضينا المحتلة .

    ردحذف
  6. كل عام وانتم بخير والامة الاسلامية بخير،
    واسال الله ان يرد الاقصى للمسلمسين سالما مسلما.

    الصراحة الناس نسيت موضوع الاقصى وصار بالنسبة الها عادي والعادي طبعا اجت من العادة والتعود، يعني الناس تعودت انو الاقصى مع اليهود وتعودت تسمع كل يوم اسر سين واستشهاد صاد ،واقامة حفريات تحت المسجد الاقصى وتسمع هالاخبار مع كاسة الشي والكعك ابو قزحة.
    للاسف الناس قلوبها ماتت واستهانت باساسيات الدين وكانو المسجد الاقصى لا يخص الا فلسطيني الداخل . حتى فلسطيني الاصل واللي انا منهم وبرا فلسطين صار الموضوع عندهم عادي لدرجة انو انا مرة بتناقش مع صاحبتي الفلسطينية/الاردنية وبتحكيلي انا ما بملك مشاعر هالحنين لفلسطين انا ما ربيت هناك ولاعشت هناك وما شفتها وبالتالي بحبها بس عادي.

    الصراحة ارتباط الانسان بالارض لا يعني فقط انك تعيش فيها ، طبعا لما تعيش هناك انت تملك ذكريات وهاد شي كاف انو يحرك مشاعرك بس برضو مش الشيء الوحيد!!!
    ورداً على صاحبتي بدي احكيلها، لما انت أو جدك تنطرد من ارضك هاد شي بحرك مشاعرك كمان... لما تحس انك مش ببلدك الاصلي وان كانت كل بلاد العرب اوطاني هاد شي بحرك مشاعرك كمان....لما يحفرو تحت مسرى الرسول هادي شي بحرك مشاعرك كمان....لما تكون قطعة من ارض الشام (اللي فيها خير جنود الله وارض الرباط والارض اللي دعالها الرسول ثلاث والارض اللي صلى فيها الانبياء ومر او ولد فيها معظم الانبياءوارض المحشر الى اخره من الفضائل الكثيرة ) هاد شي بحرك مشاعرك كمان.
    لما انا احب مكة المكرمة ومع اني ما عشت هناك وما الي فيها ذكريات بس بحبها لانو الرسول بحبها ولانو فيها الكعبة هاد شي بحرك المشاعر كمان.
    لما المسلمين فتحو الارض ونشروا الاسلام ما كان الهم ارتباط في هي الاراضي ولما المماليك حاربوا المغول ماكان الهم ارتباط بفلسطين
    اخيراً نعوذ بالله من قسوة القلوب لانها تميت القلوب
    بعتذر عن الاطاله،بس في شي سمعتو مرة من شيخ وحبيت اشارككم فيه
    في بداية سورة الاسراء جاءت الايات تتحدث عن قصة الاسراء وبعديها بايتين جاء ذكر افساد بني اسرائيل في الارض وبعديها جاء ذكر عباد الله ودخولهم للمسجد، سبحان الله ورد في نفس الصفحة قصة الاسراء وقصة علو اليهود وبعديها جاء عباد الله ليسؤا وجوه اليهود وليدخلوا المسجد وفي اخر ايات بالاسراء الايه 104 قال تعالى "فإذا جاء وعد الاخرة جئنا بكم لفيفا"

    بعتذر عن الاطالة

    حنين

    ردحذف
  7. لا كازينو و لا فساد و لا أي حاجة بتنسينا فلسطين بما فيها من كل شيء، فيه أجيال لم تر فلسطين، و حتى أن آباء و أمهات بعضهم لم يروها، و لكنهم لم ينسوها، الشعوب تصبر و لا تنسى فما بالك بمن سُلبت منه بقعة من أقدس بقاع الأرض

    ردحذف
  8. مش حكيت لك لما تغيب مين بده يذكرنا بانه نوقف وتشوف شو نسينا!
    هلا انا رح احكي شغله ممكن تثير نقاش وممكن لا بعرفش حاسه الناس في الاردن بلدت !
    طبعا في الاردن وفي الأونه الاخيره لاحظت انه موضوع الفلسطين واللاجئين والجنسية يثار بطريقه مستمره وغير مبرره كمان انه التدقيق ع الفلسطينيين في موضوع الجنسيه والأمر الأهم الفكره التي تردد عن الوطن البديل وطرد الموجودين في فلسطين وكيف انها تشكل بعبع للأردن في حين ان كثير من الفلسطينيين الداخل يقولون لو منموت ما رح نترك ارضنا !
    والشي اللي بيقرف لما تقرا خبر ويحكي انه اللاجئين يكلفون الدوله مبلغ كذا وفي الحقيقه اذا كان لاجئ فلسطيني فهو مدعوم من الانروا فمن وين هاي التكلفه!
    والأردن تحصل على مساعدات دوليه باسمهم !فعلي اي اساس تم تصنيع هالبعبع وعلى اي اساس اللاجئين يشكلون عبء ع الدوله وخزينتها! وكل هالمواضيع تخلق نوعا من إثارة النعرات والفتن لانها تقول وبشكل غير مباشر ان البلد ارهقت بسبب اللاجئين !

    ردحذف
  9. اللهم آمين ..
    وكل عام وأنت والأمة الاسلامية بخير ..
    هلأ في شغلة انو صحيح بتشوف الناس بلشت تنسى أو حتى لما تسمع خبر عن الحفريات أو نية الهدم بتحسها متنحه ومابتعمل شي وحتى أضعف الايمان اللي هو بالدعاء او أنو يبين أنهم متأثرين .. ابداً !
    الشغلة بدها توعية أكثر , الناس شاغل تفكيرها كيف بتوفر لقمتها وأشياء تانية وهذا من حقهم يفكروا فيه بس صاروا أنانيين وحتى لما بتحكي معهم عن هالموضوع بيحكوا " الله مش راح يترك مسجدو ينهد" ! يعني على غرار " وللبيت رب يحميه" !

    هلأ نحنا عنا شغلة مميزة انو نحنا بنحيي هالذكرى سنوياً أولاً لما لها من فضل وبنحيي الأعمال اللي فيها , وثانياً من خلالها بنذكر باللي صاير على المسجد الأقصى , هذا غير احياء يوم القدس العالمي وغيرو من المناسبات ..
    طبعا لما كنت اشترك كان بيجيني إحباط بسبب عدم التفاعل بس كنا بنكرر انو لو أخت وحده بتطلع وعندها وعي للي بيصير هذا بيكفينا , حتى احيانا لما كنا نعرض أشياء ونتكلم كانت في ناس بتبكي من حرقة قلب ..
    يعني لو خليت خربت (:

    ردحذف
  10. الاصدقاء الاعزاء

    مساء الخير
    وكل سنة وانتم سالمين

    وان شاء الله السنة القادمة نحتفل بالذكرى العطرة والمناسبة العظيمة والقدس مُحررة وعاصمة لدولة فلسطين

    ونصلي في الاقصى جميعا شكرا لله
    دمتم بخير

    الله يرضى عليكم ويسعدكم

    ردحذف